2013 жылғы 22 ақпанда Лебяжі ауданы әкімдігінің мәжіліс залында аудан әкімі А.А. Құрманованың, облыстың мұрағаттар және құжаттама басқармасының бастығы Х.Х. Әкімхановтың, аудандық мекемелердің басшыларының, облыс мемлекеттік мұрағатының, Жеке құрам жөніндегі Павлодар қалалық мұрағаты директорларының, облыс мемлекеттік мұрағатының Ертіс және Качиры бөлімдері басшыларының қатысуымен облыс мемлекеттік мұрағатының Лебяжі аудандық бөлімінің құрылғанына 20 жыл толуына орай салтанатты жиын өтті.
Әкімдіктің фойесінде ауданның құрылу тарихы туралы, облыстың дамуына өз үлестерін қосқан атақты адамдардың жеке тектік құжаттары ұсынылған «Аудандық мұрағатқа 20 жыл» атты фотоқұжаттық көрме ұйымдастырылды.
Аудан әкімі мен облыстың мұрағаттар және құжаттама басқармасының бастығы облыс мемлекеттік мұрағатының Лебяжі бөлімінің бастығына құттықтаулар мен естелік сыйлықтарды табыс етті.
