«Павлодар облысының мұрағаттар және құжаттама басқармасы» ММ басшысы 2013 жылғы 2-6 қыркүйек аралығында Бішкек қаласында (Қырғыз Республикасы) өткен Мұрағаттардың халықаралық кеңесінің Еуроазиялық өңірлік бөлімшесінің XIV Жалпы конференциясының (ЕВРАЗИКА) жұмысына және ТМД-ға қатысушы мемлекеттердің мемлекеттік мұрағат қызметтері басшыларының консультативтік кеңесінің кезекті отырысына қатысты.
Іс-шараларға Армения, Беларусь, Қазақстан, Қырғызстан, Өзбекстан, Ресей, Тәжікстан, Украина мұрағатшыларының делегациясы және бақылаушы ретінде – Польша қатысты.
Сіздерді мемлекеттік мереке – Қазақстан Республикасы Конституциясы күнімен шын жүректен құттықтаймын!
Бүгінгі Конституция – барлық қазақстандықтардың тең құқығы мен мүмкіншілігіне кепілдік беретін маңызды құжатқа айналды. Ата Заңымыз қоғамымыздың қарқынды дамуына жағдай туғызып, барлық жетістіктеріміздің бастамасы болып табылады.
Елбасы «Біздің басты парызымыз Конституцияға ұқыпты қарап, өз елімізді, тарихымызды қалай құрметтесек, оны да солай құрметтеуіміз қажет» - деген болатын. Ата Заңды ардақтау – келешекке керуен тартар әрбір азаматтың асыл парызы.
Осы айтулы мереке күні барлықтарыңызға зор денсаулық, отбасыларыңызға бақыт, ырыс пен ынтымақ тілеймін. Еліміз аман, келешегі кемел болсын!
Ізгі ниетпен
Павлодар облысы
мұрағаттар және құжаттама
басқармасының басшысы Х. Әкімханов
2013 жылғы 16 тамызда КСРО Мемлекеттік сыйлығының лауреаты, КСРО еңбегі сіңген металлургі, Павлодар облысының және Павлодар қаласының Құрметті Азаматы, Халықаралық ақпараттандыру академиясының академигі, профессор Сапарбек Сұлтанұлы Беркетовтың 80 жылдығына орай өткен мерейтойлық кеш аясында «Достық» концерт залының фойесінде фотоқұжаттық көрме ұйымдастырылды.
Көрмеге ұсынылған экспонаттар С.С.Беркетовтың өңіріміздегі металлургия саласын дамытуға қосқан үлесі туралы баяндайды.
Көрме академиктің Павлодар облысының Мемлекеттік мұрағатында сақталатын жеке тектік қорынан алынған материалдар негізінде ұйымдастырылды.
2013 жылғы 26 шілдеде Май ауданы әкімдігінің отырысында Май ауданының мемлекеттік мекемелеріндегі іс қағаздарын жүргізу жағдайы мен ведомстволық мұрағаттардың жұмысы туралы мәселе қарастырылды.
Астана күнінің қарсаңында облыс мұрағаттар және құжаттама басқармасының партиялық ұйымы «Нұр Отан» Халықтық Демократиялық партиясының жаңа мүшелерімен толықты. Басқарма мен Жеке құрам жөніндегі Павлодар қалалық мұрағатының 8 қызметкері салтанатты жағдайда партия қатарына қабылданды. Мұрағат ісінің ардагері К.О. Есімханова, Жеке құрам жөніндегі Павлодар қалалық мұрағатының директоры С.Б. Сүлейменова, партия ұйымының төрайымы Т.Р. Стрелецкая нұротандықтарды осынша маңызды да жауапты оқиғамен шын жүректен құттықтады.
Сіздерді кеңес халқының Ұлы Отан соғысындағы Жеңісінің 70 жылдығына арналған «Жеңімпаздар» («Победители»)кітабы үшін материалдар жинауға ат салысуға шақырамыз. Кітапқа Ұлы Отан соғысына қатысқан павлодарлықтар мен олардың соғыстан кейінгі кезеңдегі еңбек жолы туралы мәліметтер енетін болады. Осыған орай фашизмге қарсы қанды шайқастарға қатысып, кейін бейбіт еңбек еткен жақындары мен туыстары қандары бар тұрғындардан төменде келтірілген анкетаға сәйкес «Павлодар облысының мұрағаттар және құжаттама басқармасы» ММ-не, облыстың мемлекеттік мұрағатына және аумақтық қатысы бойынша орналасқан мұрағаттарға (мұрағаттардың мекенжайлары «Павлодар облысының мұрағат қызметі» сайтында) болашақ кітапқа қатысты материалдарды тапсыруды сұраймыз.
Фотосуреттер, құжаттар (соғыс жылдарындағы хаттар, марапаттау құжаттары және т.б.) сияқты отбасылық жәдігерлер сканерден өткізілгеннен кейін өз иелеріне қайтарылады. Сканерден өткізілген құжаттар тек кітапқа енгізіліп қана қоймай, алдағы уақытта Павлодар облысы мемлекеттік мұрағатының қорларын толықтыра отырып келер ұрпақтар үшін мәңгілікке сақталатын болады.
Барлығымыз бірлесе отырып қан майданнан жеңімпаз болып оралғандар туралы мәңгі естелік қалдырамыз деген сенімдеміз.
2013 жылғы 28 маусымда облыс мемлекеттік мұрағатының Качир бөлімі Қазақстан Республикасының «Ұлттық мұрағат қоры және мұрағаттар туралы» Заңының қабылдануының 15 жылдығын мерекелеу және облыс мемлекеттік мұрағаты Качир бөлімінің құрылғанына 25 жыл толуына орай Качир ауданының әкімі Н.М. Күлжанның, Қазақстан Республикасы Мәдениет және ақпарат министрлігі Ақпарат және мұрағат комитеті Мұрағаттар және құжаттама басқармасының басшысы Ғ.Т. Исаханның, Павлодар облысы мұрағаттар және құжаттама басққарамсының басшысы Х.Х. Әкімхановтың қатысуымен, облыс мемлекеттік мұрағатының бөлім бастықтарын және аудан жұртшылығын шақыра отырып «Дөңгелек үстел» өткізіліп, онда аудандық мұрағаттың жетістіктері мен алдағы уақытқа қойылған міндеттері талқыланды.
2013 жылғы 19 маусымда басқарма басшысы Х.Х. Әкімхановтың төрағалығымен «Павлодар облысы мұрағаттар және құжаттама басқармасы» мемлекеттік мекемесінің кеңейтілген мәжілісі өтті. Мәжіліске басқарма мамандары, облыс мемлекеттік мұрағатының, Ақсу, Екібастұз қалалары мемлекеттік мұрағаттарының, Жеке құрам жөніндегі Павлодар қалалық мұрағатының директорлары, облыс мемлекеттік мұрағатының аумақтық бөлімдерінің бастықтары қатысты.
Күн тәртібіне сәйкес консультативтік-кеңесші орган – облыс мұрағаттар және құжаттама басқармасының Алқасын құру, облыстық сараптау-тексеру комиссиясы жұмысының қорытындылары, «Боздақтар» және «Жеңімпаздар» кітаптарын шығару жобалары туралы мәселелер талқыланды.
Павлодар облысы әкімдігінің 2013 жылғы 17 мамырдағы № 158/5 қаулысымен «Мұрағаттық анықтамалар беру» электрондық мемлекеттік қызметін көрсету регламентіне» (бұдан әрі– Регламент) өзгеріс енгізілді.
Регламент Павлодар облысының әділет департаментінде 2013 жылғы 07 маусымда 2013 жылғы № 3547 болып тіркелді, 2013 жылғы 16 маусымдағы № 67 «Сарыарқа самалы», 2013 жылғы 16 маусымдағы № 67 «Звезда Прииртышья» газеттерінде жарияланды.
Халықаралық балаларды қорғау күніне орай 2013 жылғы 1 маусымда «Қарлығаш» отбасында басқарманың қамқорлығына алынған жасөспірім Құдабек Ибраев тәрбиеленетін Павлодар қаласы Осипенко көшесі 13-үй мекенжайында орналасқан Балалар үйін құттықтау ұйымдастырылды. Мұрағаттар және құжаттама басқармасының өкілдері оқу мен спортта үздік жетістіктерге қол жеткізген тәрбиеленушілер марапатталған «Жұлдызды сағат» атты салтанатты іс-шараға қатысты. Павлодарлық мұрағатшылардың атынан туған өлке тарихы бойынша ауқымды мәлімет жинақталған мұрағаттар және құжаттама басқармасы мен облыстың мемлекеттік мұрағаты дайындаған «Павлодар облысы: жаңа тарих беттері. 1991-2012» кітабы кітапхана қорына тапсырылды.
Балаларға мерекелік дастархан үшін тәтті базарлық (торттар және т.б.) жолданды.
Сондай-ақ Екібастұз қаласының мемлекеттік мұрағаты ата-анасы жол апатында қаза болған Әмірханов Санжарға қайырымдылық көмек көрсетті.
